Gunahon ki nahi jati hai Aadat Ya Rasulallah
Tumhi ab kuchh karo Maahe Risalat Ya Rasulallah
Mein bachna chahta hun haaye fir bhi bach nahi paata
Gunahon ki padi hai Aesi Aadat Ya Rasulallah
Gunaah kar kar ke haaye ho gaya Dil sakht patthar se
Nahi par Is pe haaye kuchh nadamat Ya Rasulallah
Laga takiya gunahon ka pada Din Raat sota hun
Muje ab khwabe gaflat se jagado Ya Rasulallah
Mein hun sunni rahu sunni maru sunni Madine mein
Baqee e paak mein ban jaaye Turbat Ya Rasulallah
Shaha Attar aana chahta hai Tere Roze par
Ataa ho haazari ki fir Ijazat Ya Rasulallah
